(Kabacan, North Cotabato/ August 16, 2013)
---Itatampok ngayong umaga bilang isa sa mga aktibidad ng 66th
Founding Anniversary ng Kabacan ang Barangay Day.
Pangungunahan ni Kabacan Mayor Herlo Guzman
Jr., ang nasabing aktibidad kungsaan lalahukan ito ng mga opisyal mula sa 24 na
barangay ng bayan.
Inaasahang magbibigay din ng kanyang mensahe
si ABC President Kapitan Gerson Laoagan sa nasabing programa na gagawin ngayong
alas 8:00 ng umaga sa Municipal Gymnasium.
Bukod sa barangay day, itatampok din ngayong
araw ang “Alay Gupit” na pangangasiwaan naman ni Pink Flamingo President
Rodolfo Dapun, Jr. at Adora Magoncia.
Gagawin din ngayong araw ang Philhealth
Moves, Pinoy games o Parlor games at mamayang gabi naman ang Search for Ms. Gay
Persona 2013.
Samantala magandang balita naman para sa mga
kababayan nating may iniindang karamdaman, dahil may libreng check-up ang rural
Health Unit ng Kabacan na pangungunahan ni Dr. Sofronio Edu, Jr. at sa
pakikipagtulungan ng FloLyf Enterprises Incorporated, gamit ang pinakabagong
teknolohiya sa larangan ng medisina.
Gagawin ang libreng check-up sa Rural Health
Unit na nasa Municipal compound alas 7:00 ng umaga hanggang mamayang hapon.
Sa pamamagitan ng “Sub Health Detector
Human-body Elements Alarm System”, kaya nitong alamin ang kalagayan ng 36 na
organs n gating katawan sa loob lamang ng 56 na Segundo.
Dito malalaman kung anung sakit ang iyong
dinaramdam. (Rhoderick Beñez)
0 comments:
Mag-post ng isang Komento