(Kabacan,
North Cotbato/April 30, 2012) ---Narekober mula sa isang 24-anyos na suspek ang
isang heat sealed plastic sachet na pinaniniwalaang shabu makaraang mahuling
aktong nagnanakaw ng isang pampasabong na manok ala 1:25 kahapon ng hapon sa
Sunset St., Poblacion, Kabacan, Cotabato.
Mismong
si councilor Reyman Saldivar kasama si Jover Sumatra ang nakahuli sa suspek na
nakilalang si Charnel Salinas, 24 na taong gulang na residente ng Purok Miracle
ng bayang ito.
Sa
ngayon, nasa Kabacan lock-up cell ang suspetsado habang inihahanda na ang
kasong isasampa laban sa kanya.
Samantala,
pwersahang sinira naman ng magnanakaw ang likurang bahagi ng bahay ng Ulangkaya
residence makaraang pinasok ito ng di pa nakilalang salarin nitong hapon ng
Sabado.
Natangay
ng suspek ang isang unit ng RIM ng XRM motorcycle at isang brand new tire ng
nasabing sasakyan.
Maswerte
namang di nito natangay ang nasabing motorsiklo, pero narekober naman ang isang
sako na naglalaman ng cut iron, rubber roll na pinaniniwalaang iniwan ng
suspetsado di kalayuan sa lugar ng pinagyarihan ng insedente.
Naganap
ang nakawan sa likurang bahagi ng Wish bone café na nasa bahay ni Antonio
Ulangkaya compound, Poblacion, Kabacan, Cotabato. (RB ng Bayan)
0 comments:
Mag-post ng isang Komento