Mga kaso sa mga korte sa Kidapawan City nag-back log dahil sa brownouts

(Kidapawan CityMay 1, 2012) ---Aminado si Luzminda Cuabo, OIC Clerk of Court ng Regional Trial Court Branch 23, na higit sa 50 porsiento ng mga kaso na nasa ilalim ng kanilang sala ang ‘di na nila nadidinig dahil sa mga brownout.

       

Sa kada araw, abot sa 25 hanggang 30 ang mga kaso’ng dinidinig nila sa RTC 23.

       

Pero dahil brownout sa Kidapawan City mula alas-7 ng umaga hanggang alas-dose ng tanghali, apektado maging ang court hearing nila.

       

Sa umaga lang kasi dinidinig ang mga kaso – na siya namang itinatakda ng Supreme Court, ayon kay Cuabo.

       

Kung may mga kaso man sila’ng dinidinig, ito ay mga urgent matters lamang, tulad ng paghiling ng injunction, TRO, at iba pa.

       

At kung may court hearing kahit brownout, hirap naman sa pagsusulat ng stenographic notes ang kanilang mga court employees dahil sobrang madilim sa loob.

       

At dahil walang aircon sa court room, di kaya i-accommodate ang maraming tao na madalas namang nangyayari kapag malalaki ang mga kaso’ng kanilang dinidinig.

Dahil dito, bumaba raw ang kanilang efficiency ngayong may brownout.

       

Hindi lamang ang RTC Branch 23 ang may problema sa panahon ng brownout.

       

Ito rin ang nararanasa ng ilan pang sala na nasa bayan ng Midsayap, Kabacan, at Makilala.

       

Ang brownout kasi sa North Cotabato, simula noong April 19, ay limang oras sa araw at tatlong oras sa gabi o walong oras sa araw-araw.