(Carmen, North Cotabato/January 23, 2012) --- Abot sa daan-daang board feet na mga illegal na troso ang nakumpiska ng mga elemento ng Carmen PNP sa isinagawa nilang highway inspection sa Ugalingan, Carmen.
Ang mga pinaniniwalaang illegal na pinutol na mga punongkahoy na pawing mga Gemilina lumbers ay lulan ng isang Cargo Truck na may plate number MAJ 610 na minamaneho ni Sammy Alos.
Nabatid na galing ang naturang truck na punung- puno ng mga gemilina lumbers sa sitio Malmar, Barangay Kibines.
Patungo sanang Kabacan ito nang masabat ng mga pulis. Nang hanapan ng mga papeles, walang maipakita ang drayber at mga pahinante ng trak.
Sa ngayon, ang naturang Cargo truck ay nasa kostudiya na ng Carmen PNP para sa mas maayos at klarong berepikasyon.
0 comments:
Mag-post ng isang Komento