(Kidapawan city/ August 20, 2014) ---Hinold-up
ng dalawang di pa nakilalang mga suspek ang isang 25-anyos na lalaki sa bahagi
ng Datu Piang St., Kidapawan City alas 3:40 kahapon ng hapon.
Sa ulat ni PSI Jojet Nicolas, tagapagsalita
ng Cotabato Police Provincial Office kinilala ang biktima na si Elmundo Flores,
25-anyos, binata at residente ng Brgy. Takepan, Pikit, Cotabato.
Batay sa inisyal na pagsisiyasat, naglalakad
umano ang biktima ng biglang nilapitan ito ng dalawang suspek na lulan ng itim
na single motorcycle na walang plaka.
Agad na tinutukan ng baril si Flores ng isa
sa mga sakay ng motorsiklo at tinutukan din ng ice pick ito ng isang drayber at
nag-deklara ng hold-up at pwersahang tinangay ang Samsung S5 cell phone nito na
nagkakahalaga ng humigit kumulang P8,500.
Mabilis namang tumakas ang mga suspek sa
bahagi ng Sinsuat St., ng nasabing lungsod.
Agad namang ikinasa ang hot pursuit
operation laban sa mga suspek para mapanagot sa batas ang mga ito. Rhoderick Beñez
0 comments:
Mag-post ng isang Komento