(Carmen, North Cotabato/ July 22, 2013) ---Patay
ang isang 25-anyos na habal-habal drayber makaraang pagsasaksakin ng dalawang di
pa nakilalang mga salarin sa Brgy. Langogan, Carmen, North Cotabato 10:30
kamakalawa ng gabi.
Kinilala ng Carmen PNP ang biktima na si
Datukon Usman, may asawa at residente ng Brgy. Nasapian ng nasabing bayan.
Batay sa inisyal na pagsisiyasat ng mga
kapulisan lumalabas na habang nag-aabang umano ng pasahero ang biktima, bigla
lamang itong nilapitan ng dalawa katao at kinontrata na ihatid ang dalawa mula
Poblacion papuntang Langogan.
Habang tinatahak nila ang kalsada papunta sa
nasabing lugar at pagdating sa crossing ng Pebpoloan at Langogan ay
pinagsasaksak umano si Usman ng dalawang mga angkas na pasahero nito.
Nagawa pang makatakas ng biktima pero, 40
metro lamang ang layo mula sa pinangyarihan ng crime scene ay namatay ang
biktima.
Nagtamo ng limang saksak sa leeg at kaliwang
braso ang biktima na naging dahilan ng agara nitong kamatayan.
Naniniwala ang Carmen PNP na carnapping o
agaw motorsiklo ang motibo ng mga suspek makaraang tinangay ng mga ito ang
sasakyan ng biktima at tumakas papalayo sa di malamang direksiyon.
Sa ngayon ay na-turn-over na ng kapulisan
ang bangkay ng biktima sa pamilya nito habang nagpapatuloy ang imbestigasyon. (Rhoderick
Beñez)
0 comments:
Mag-post ng isang Komento