(Kidapawan City/ July 22, 2013) ---Narekober
ng Kidapawan City PNP ang kinarnap na taxi sa Davao city sa bahagi ng Sitio
Pagagao, Patadon, Kidapawan City noong Sabado ng umaga.
Sa panayam ng DXVL News kay Supt. Leo Ajero,
hepe ng Kidapawan City PNP nakatanggap umano sila ng intel report buhat sa
Davao city na may kinarnap na Hyundai Midvalley taxi na kulay puti na may plate
number LXA 904 na dinala sa bahagi ng North Cotabato.
Nang magsagawa ng intel monitoring ang mga
elemento ng Kidapawan City PNP sa nasabing lugar dahil sa report na harassment
ng diumano’y grupo ng MILF at MNLF sa bahagi ng Brgy. Patadon ay namataan ng
mga pulisya ang inabandonang sasakyan.
Agad na kinordon ang lugar at siniyasat ng
EOD Team at ng Cotabato Police Provincial Office ang nasabing sasakyan.
Sa inisyal na report, nabatid na carnap ang
nasabing taxi.
Sa ngayon agad na inilagay sa himpilan ng
Kidapawan City PNP ang nasabing sasakyan para sa tamang disposasyon. (Rhoderick
Beñez)
0 comments:
Mag-post ng isang Komento