(Carmen, North Cotabato/ July 27, 2013) ---Pinagsasaksak
hanggang sa mapatay ang isang magsasaka habang pinagtataga naman sa ulo ang
isang 23-anyos na kasama nito sa Sitio Baroyon, Brgy. Macabenban, Carmen, North
Cotabato alas 7:00 kagabi.
Kinilala ng Carmen PNP ang biktima na
binawian ng buhay na si Johnny Pinda Andagoy, 26, may ka-live-in habang
kinilala naman ang biktimang sugatan sa pananaga na si Jimwel Mandapig
Mandakayan, 23, residente ng nabanggit na lugar.
Batay sa inisyal na report nag-iinuman umano
ang biktima kasama ang suspek na si Lody Acosta, 23, magsasaka, residente ng
nabanggit na lugar kahapon ng tanghali habang ipinagdiriwang nila ang kaarawan
ng anak ng suspek.
Pero nagkaroon umano ng mainitang pagtatalo
at nauwi sa pananaksak kay Andagoy na naging dahilan ng agara nitong kamatayan
habang sugatan naman si Mandakayan at ang isa pa nitong kasama na si Barnezo.
Matapos ang insedente boluntaryo namang
sumuko ang suspek aky Brgy. kapitan Wennie Mansabpar.
Narekober sa crime scene ang bolo na ginamit
sa nasabing pananaga.
Kulungan naman ngayon ang bagsak ng nasabing
suspek habang inihahanda na ang karampatang kasong isasampa laban sa kanya.
Personal grudge ang nakikitang dahilan ng
nasabing insedente. (Rhoderick Beñez)
0 comments:
Mag-post ng isang Komento