(Kidapawan City/ July 17, 2013) ---Patay ang 25 anyos na binata makaraang pagbabarilin ng suspek sa may Villamarzo Street sa Kidapawan City, alas 6:45 kagabi.
Kinilala ng Kidapawan city PNP ang biktima na si Eric Ganzon Comania tubong Davao city.
Sa inisyal na pagsisiyasat tatlong tama ng bala sa ulo at leeg ang tumapos sa buhay ng biktima.
Ayon sa isang testigo, nakita niya ang paglapit ng lalaking naka-bonnet sa biktima at binaril ito ng tatlong beses sa ulo.
Pagkatapos raw ng pamamaril, sumakay ang suspect sa isang nakaparadang motorsiklo, di kalayuan sa kinalalagyan ng biktima at humarurot palabas ng highway.
Na-recover sa crime scene ng team ni Police Officer 2 Mepheboset Himalaya, investigator-on-case ng Kidapawan City PNP, ang dalawang basyo ng bala mula sa caliber 45 pistol.
Sa inisyal na imbestigasyon ni Himalaya, isa sa tatlong mga bala na tumama sa biktima bumaon pa sa ulo nito.
Patuloy pang inaalam ang motibo sa pamamaril. (Rhoderick Beñez)
DXVL Staff
...
Binata, patay sa pamamaril
Miyerkules, Hulyo 17, 2013
No comments
Mag-subscribe sa:
I-post ang Mga Komento (Atom)
0 comments:
Mag-post ng isang Komento