 |
| Mayor Herlo Guzman, Jr. |
(Kabacan,
North Cotabato/ July 19, 2013) ---Nais ngayon ni Kabacan Mayor Herlo Guzman
Jr., na maibalik ang kumpiyansa ng taong bayan sa Pamahalaang Lokal.
Ito ang
sinabi sa DXVL Radyo ng Bayan ng opisyal matapos na ihayag nito na isa sa
kanyang prayoridad na tutukan ay ang peace and order sa bayan sa unang
isangdaang araw nitong panunungkulan bilang bagong alkalde ng Kabacan.
Dagdag pa
nito na ang nasabing hakbang ay upang hindi na matakot ang mga negosyante na
maglagak ng kanilang pununan sa bayan.
Bagama’t
maliit lamang umano ang kanyang programa sa loob ng 100 days, kanya rin umanong
tutukan ang improvements sa mga barangay partikular na ang farm to market
roads.
Sa ngayon
may mga binabalangkas na ring MOA ang LGU at ang NIA kungsaan ang LGU ang
magmamantina ng kalsada ng mga irrigators upang sa gayun ay mapabilis ang
pagluluwas ng mga produkto ng mga magsasaka buhat sa mga bukirin, ayon pa sa
opisyal.
Kabilang din
sa kanyang tutukan ay ang trapiko sa mga pangunahing kalye ng Poblacion at ang
isyu hinggil sa pag-pick up ng mga Van at mga Bus ng mga pasahero sa National
Highway ng Poblacion. (Rhoderick Beñez)
0 comments:
Mag-post ng isang Komento