Daan-daang mga pamilya nagsilikas dahil sa engkwentro ng dalawang grupo sa Carmen, North Cotabato

(Carmen, North Cotabato.March 25, 2012) ---Bagama’t humupa na ang engkwentro sa pagitan ng dalawang naglalabang grupo na MILF at MNLF sa Putok 5, Sitio Maputi, Brgy. Tonganon sa bayan ng Carmen, North Cotabato, tiniyak naman ngayon ni Lt. Aries Dela Cuadra ng 7IB, Philippine Army na nasa ligtan na kalagayan ang may 166 na mga pamilyang na silikas dahil sa nangyaring kaguluhan sa lugar.                  

                                                      

Ito ang sinabi ngayong umaga sa DXVL ng opisyal, aniya 1.5kilometro ang layo ng engkwentro sa pagitan ng grupo nina Kumander Karim ng Moro Islamic Liberation Front (MILF) at Kumander Teo ng Moro National Liberation Front (MNLF) sa Tonganon proper.      

                                                                                                        

Sinabi ni dela Cuadra na rido o girian sa dalawang grupo ang dahilan ng nasabing labanan. (Rhoderick Beñez)