By:
Mark Anthony Pispis
(Kabacan, North Cotabato/ March 9, 2015) ---Nasampahan
na ng kasong paglabag sa RA 9165 ang apat katao kabilang ang isang mag-ina at
dalawang iba pang kababaihan matapos mahuli sa isinagawang drug buy-bust
operation sa Doña Aurora St. Brgy. Poblacion, Kabacan, Cotabato alas 9:00
ng umaga noong Biyernes.
Kinilala ng Kabacan PNP ang mga Suspek na
sina Yolanda Bai Ali “Alias Taya” , 40
anyos, dalaga, isang vendor, Bai Ali Abid Mamaril, 25 anyos, may asawa, isang
may-bahay at ang mag-inang sina Faisal Ali Luna, 20 anyos, binata, isang
estudyante at isang Fatima Ali Luna, 42 anyos, may-asawa, isang may bahay na
pawang mga residente ng nasabing lugar.
Nakuha sa posisyon ng mga suspek ang mga
drug paraphernalia’s na pinaniniwalaang ginagamit ng mga ito sa pagtutulak ng
ipinagbabawal na gamot at mga plastic sachets na may lamang malaking halaga ng
shabu.
Sa ngayon ay hindi pa tukoy ng Kabacan PNP
ang halaga mga nakumpiska ngunit isa ito sa malaking operasyon na kanilang
naisagawa sa 1st quarter ngayong taon nagresulta sa pagkadakip ng apat na
suspek kaugnay sa kanilang kampanya kontra illegal na druga.
Sa ngayon ay nakapiit sa Kabacan PNP
Lock-up-cell ang mga suspek.
0 comments:
Mag-post ng isang Komento