(Kabacan, North Cotabato/ February 19, 2015)
---Isa ang anggulong onsehan sa droga sa mga tinututukan ng mga kapulisan sa
pagbaril patay sa magkalaguyo matapos itong ratratin ng motorcycle-riding
assassins sa bisinidad ng Mantawil Extension, Barangay Poblacion sa bayan ng
Kabacan, North Cotabato kamakalawa ng gabi.
Kinilala ni P/Chief Insp. Ernor Melgarejo,
hepe ng Kabacan PNP ang mga biktima na sina Rey Dacula ng Brgy. Nangaan,
Kabacan at Daisy Guerrero ng Bonifacio Street sa Barangay Poblacion sa nasabing
bayan.
Sa imbestigasyon ng Kabacan PNP, pauwi na
ang dalawa lulan ng motorsiklo nang sabayan at ratratin ng tandem pagsapit sa
nasabing lugar.
Narekober sa crime scene ang mga basyo ng
bala ng cal. 45 pistol habang patuloy naman ang pagsisiyasat.
Ang laganap na illegal na droga sa bayan ng
Kabacan ang isa sa mga ugat ng kriminalidad na siya’ng tinututukan ng pamunuan
ng Kabacan PNP, ayon pa sa pulis opisyal. Mark
Anthony Pispis
0 comments:
Mag-post ng isang Komento