(Kabacan, North Cotabato/ April 12, 2013)
---Patay ang isang 57-taong gulang na mister habang nasa kritikal namang
sitwasyon ang asawa nito makaraang pagbabarilin ang dalawa sa Aglipay St.,
Poblacion, Kabacan, Cotabato pasado alas 8:00 kagabi.
Kinilala ng Kabacan PNP ang mga biktima na
sina Nestor Bautista, tricycle driver at ang asawa nitong si Carmelita
Bautista, 45 taong gulang, kapwa residente ng Lower Paatan ng nabanggit na
bayan.
Nagtamo ng tama ng bala ang lalaking
Bautista sa mukha at sa kanang balikat nito dahilan ng agara nitong kamatayan
habang ang Misis nitong si Carmelita ay tinamaan din sa kaliwang dibdib.
Mabilis namang isinugod sa Kabacan Medical
Specialist ang babaeng biktima para mabigyan ng medikal na atensiyon.
Ang mga suspek ayon sa report ay mga riding
in tandem sakay sa pulang single Kawasaki motorcycle.
Agad namang tumakas ang mga salarin papalayo
sa pinangyarihan ng insedente at dumaan sa Public Market na direksiyon.
Sa ngayon inatasan na ni Kabacan Mayor
George Tan ang kapulisan na palalimin pa ang imbestigasyon hinggil sa nasabing
insedente at ma-establish ang motibo sa pamamaril. (Rhoderick Beñez/DXVL News)
0 comments:
Mag-post ng isang Komento