(Kabacan, North Cotabato/April 13,
2012) ---Abot sa mahigit sa isang libu at apat na raang mga grade five pupils sa
iba’t-ibang paaralang elementarya dito sa bayan ng Kabacan ang sumailalaim
ngayon sa tatlong araw na 2nd Gov. Lala Taliño Mendoza summer Peace
Kids Camp.
 |
| Zaynab Ampatuan |
Ayon sa pamunuan ng LGU Kabacan ang
nasabing aktibidad ay nagsimula kahapon at magtatapos sa araw ng bukas, April
14.
Ilan sa mga aktibidad kanina ay
isinagawa dito sa loob ng USM compound kagaya ng Sports at leadership training
at iba pa.
Ang nasabing aktibidad ay katuwang
ang provincial government sa pangunguna ni Cotabato Governor Emmylou “Lala”
Taliño Mendoza at ng LGU Kabacan sa pamumuni ni Kabacan Mayor George Tan.
Layon
ng programa na hubugin ang mga kabataan sa murang edad pa lamang nila ang
maging responsableng mamamayan sa lipunan na kanilang ginagalawan kagaya ng
paglilinis sa kapaligiran, leadership at paghahanda maging sa sakuna.
Ngayong
hapon itinampok naman ang Kuntaw Silat sa Peace Museum ng Kabacan Pilot
elementary School.
Ayon
kay Executive Director for Moro People’s Community Organization for Reform and
Empowerment Zaynab Ampatuan ang Kuntaw Silat ay isang Martial Arts na ginagamit
ng mga ninuno bilang panlaban sa mga nais sumakop sa bayan.
Ito
ay isang Martial arts ng Chinese na ipinakilala ng mga Indonesia sa ninunong
mga Pilipinong Tausog at Maguindanaoan. (Rhoderick Beñez)
0 comments:
Mag-post ng isang Komento