Sabungan sa Matalam, North Cotabato; nasunog!

By: Christine Limos

Nasunog ang isang sabungan sa Matalam, North Cotabato kamakalawa ng gabi.

Sa panayam ng DXVL news inihayag ni Fire Inspector Narleap Nabor ng Matalam BFP na posibleng naiwan na cigarette but ng mga sumabong ang sanhi ng sunog.

Ayon sa kanilang imbestigasyon ay nasa non index fire level lamang ang nangyaring sunog dahil hindi umabot sa limang libo ang danyos nito.

Ang mahalaga umano ay nakapag report kaagad ang mga mamamayan kung kayat narespondehan kaagad ang sunog.

Sinabi din ng opisyal na ang Buwan ng Marso ang pinaka mainit na buwan sa buong taon kung kaya’t ito ang ginawang Fire Prevention Month dahil ito umano ang buwan na may pinakamaraming sunog na nagaganap. 

Ipinaliwanag din niya na tinatawag na non index fire level ang isang sunog kung di umabot sa sampung libo ang danyos.

Dagdag pa ng opisyal na may mga programa silang ginagawa ngayong Fire Prevention Month tulad ng pagsasagawa ng fire prevention lectures sa mga paaralan, opisina tulad ng COTELCO, paglulunsad ng fire drill, search and rescue training at rekorida sa bayan ng Matalam. 

Sumusuporta din daw umano ang mga establishment, hospital at ang Matalam LGU sa tulong ng local disaster office at provincial disaster office.

Inihayag din ni FInsp. Nabor na dalawa ang fire truck ng Matalam at madalas na nakakaresponde ang Matalam sa mga sunog sa karatig bayan tulad ng Kidapawan at Kabacan.

Aniya aktibo ang Matalam fire volunteers dahil naglaan umano si Matalam Mayor Oscar Valdevieso ng pondo sa training ng mga baranggay fire volunteers. Ipinagmalaki din ni Nabor na nag champion sa 1st Gov.Lala Taliño Mendoza Fire Fighting Combat Challenge ng nakaraang taon ang Poblacion Matalam Fire brigade.

Nagpa alala din si FInsp. Narleap Nabor na dapat isipin na everyday is fire prevention day at dapat tandaan ang tatlong elemento ng sunog ang hangin, fuel o panggatong at  ang source ng ignition o init.

VC: FInsp. Narleap Nabor 4

Ang tinig ni Matalam Fire Inspector Narleap Nabor.

Samantala, inanyayahan din ni Nabor ang mga mamamayan na magtungo sa opisina ng local na fire station upang dumalo sa mga seminar at lecture na isinasagawa nila ngayong fire prevention month.