By: Mark Anthony Pispis
 |
| Photo by: Ferdinand Cabrera |
(Kabacan, North Cotabato/ March 3, 2015) ---Pansamantalang
nagdulot sa problema sa usad ng trapiko ang nangyaring BombScare sa National
Highway sa bahagi ng Brgy. Kayaga, Kabacan Cotabato dakong alas 11:00 kahapon
ng umaga.
Ayon kay PI Arvin Jhon Kambang ng Kabacan
PNP, isang BPAT member ang nag report sa kanilang himpilan na meroon itong
nakitang pinaghihinalaang IED sa nasabing lugar.
Sa inisyal na imbestigasyon, dalawang di pa
nakikilalang salarin na sakay ng isang motorsiklo ang umanoy naglagay ng isang kulay
dilaw na bag sa puno ang ng papaya at agad na lamang itong iniwan at humarorot
papuntang Purok Krislam, Brgy. Pob. Sa nasabing bayan.
Agad rumispende sa lugar ang kapulisan
kasama ang ilang element ng 7IB at agad nagpatawag ng EOD Team at kinordon ang
lugar.
Nadisrupt ang pinaghihinalaang IED ala una
ng hapon at napag alamang negatibo ito sa anumang uri ng pampasabog.
Napagalamang ang laman ng nasabing bag ay
naglalaman ng isang garapon na binalot ng karton na may lamang mga pako.
Laking pasalamat naman ng Kapulisan sa
pagiging vigilante ng mga mamamayan at agad inireport ang nasabing
kahinahinalang bagay.
Sa ngayon ay patuloy pang inaalam ng Kabacan
PNP kung sino ang may gawa ng nasabing pananakot.
0 comments:
Mag-post ng isang Komento