(Kabacan,
North Cotabato/ January 19, 2015) ---Kulungan ang bagsak ng isang 22-anyos na
lalaki makaraang mahulihan ng ipinagbabawal na droga sa Kabacan, Cotabato alas
1:30 ng medaling araw nitong Sabado.
Kinilala ni
PCI Ernor Melgarejo, hepe ng Kabacan PNP ang suspek na si Allan Guiamblang, 22
taong gulang, residente ng Kilada, Matalam, Cotabato.
Batay sa
report, hinuli ng mga kasapi ng Barangay Peace Keeping Action Team o BPAT ang
suspek at dinala sa himpilan ng pulisya.
Sa
isinagawang pagsisiyasat sa suspek, doon na narekober sa posisyon nito ang isang
plastic heat sealed sachet na nagalalaman ng shabu.
Sa panayam
ng DXVL News sa suspek, itinanggi nitong sa kanya ang nasabing shabu pero
aminado ito na gumagamit ito ng pinagbabawal na gamot.
Sa ngayon,
kalaboso ang suspek habang inihahanda naman ang kasong isasampa laban sa kanya
na paglabag sa RA 9165 o Comprehensive Dangerous Drugs Act of 2002. Rhoderick Beñez
0 comments:
Mag-post ng isang Komento