By: Rhoderick Beñez
(Kabacan, Cotabato/ October 21, 2014) ---Kulungan ang bagsak ng isang 26-anyos na mister makaraang makuhanan ng illegal na droga sa bisinidad ng Purok Chrislam, Poblacion, Kabacan, Cotabato alas 12:00 ng tanghali kahapon.
Kinilala ni Supt. Jordine Maribojo, hepe ng Kabacan PNP ang suspek na si Datumama Batua, 26, may asawa at residente ng Tukananes, Cotabato City.
Nakuha mula sa posisyon ng suspek ang isang plastic heat sealed sachet na naglalaman ng shabu.
Agad namang dinala ang suspek sa Kabacan Municipal Police Station para sa masusing imbestigasyon habang ang mga narekober na ebedensiya ay isusumite naman sa Crime laboratory.
Sa ngayon inihahanda na ang kasong paglabag sa RA9165 o Comprehensive Dangerous Drugs Act of 2002 na kakaharapin ng suspek.
0 comments:
Mag-post ng isang Komento