Speed Limit sa Bayan ng Kabacan, irerekomenda ng MDRRMC sa Sangguniang Bayan

By: Sarah Jane Corpuz Guerrero

(Kabacan, Cotabato/ October 23, 2014) ---Sa isinagawang regular na pagpupulong ng Municipal Disaster Risk Reduction and Management Council kanina, October 22, 2014 sa conference hall ng Munisipyo inihayag ng PNP Representative na si Police Senior Andres Sumugat, Jr, deputy for Operations ng PNP Kabacan ang pagrerekomenda ng Municipal Disaster Council sa Sangguniang Bayan sa pagpapasa ng ordinansa hinggil sa pagkakaroon ng Speed Limit sa National Highway ng Kabacan ito ay upang mabawasan ang mga vehicular accidents sa nasabing daanan. 

Base kase sa obserbasyon ng PNP Kabacan at Traffic Management Unit, karamihan ng mga aksidente dito sa bayan ay nasa National Highway. 

Dagdag sa nasabing rekomendasyon ay ang paglalagay din ng ibat-ibang traffic signs na ilalagay sa major roads ng Kabacan upang magabayan naman at mapalakas pa ang seguridad ng mga drivers at mga motorista. 

Ang nasabing rekomendasyon ay sinupurtahan naman ng mga miyembro ng nasabing konseho sa pamamagitan ng pagbibigay ng Resolution sa Sangguniang Bayan ng Kabacan para sa agarang paggawa at pagpasa ng ordinansa hinggil sa pagkakaroon ng Speed Limit sa bayan ng Kabacan.

Dagdag pa din sa rekomendasyon ng Municipal Disaster Council ay ang pagsagawa ng clearing operation along the Highway na kung saan okupado na ito ng ibat-ibang mga vendors at business activities. 

Ayon pa kay Doctor Sofronio Edu, magiging parte ng ordinansa ay ang pagpapalakas ng Information, Education and Campaign activities upang pataasin ang kaalaman ng mga drivers at ang ideya na hindi lamang national highway ang pupwedeng daanan ng mga drivers at may iba pang roads na pwedeng gamitin upang madecongest o mabawasan ang bigat ng trapiko particular na sa National Highway tuwing heavy hours.

Ang nasabing panula ng Municipal Disaster Council ay isang stratehiya para na rin sa pagpapalakas pa ng Peace and Order sa bayan. Ito din ay dadaan pa sa mas masusing pag-aaral ng PNP, LGU-TMU Kabacan at SB.