(Kabacan, North Cotabato/May 14, 2012) ---Sugatan
ang isang lolo makaraang pagsasaksakin ng di pa nakilalang salarin sa Brgy.
Osias, Kabacan, Cotabato alas 12:25 ng umaga nitong Sabado.
Kinilala ni SP01 Kenneth Garbin, police
investigator ng Kabacan PNP ang biktima na si Jaime Aguilar Quisquirin, 69,
driver at residente ng CFCST Duroloman, Magpet, Cotabato.
Batay sa inisyal na pagsisiyasat ng opisyal
lumalabas na galing umano ang biktima sa USM hospital matapos maghatid ng
pasyente at pagdating sa National Highway partikular sa harap ng chicken namit
isang pasahero ang sumakay sa kanya at nagpahatid sa Magsaysay St. sa nabanggit
na brgy.
Pero pagdating sa nasabing lugar bigla
umanong inilabas ng pasahero ang kanyang bladed weapon at walang pasabi at
sinaksak ang driver.
Mabilis namang tumakas ang salarin sa di
malamang direksiyon habang sa kabila ng sugat sa braso na natamo ni lolo ay
naimaneho pa nito ang kanyang tricycle at dinala sa Kabacan Medical Specialist
ang sarili upang malapatan ng karampatang lunas.
Sa ngayon, inaalam pa ang motibo, wala naman
umanong nakaaway ang biktima o na-agrabyado dahilan kung bakit siya nagawan ng
nasabing krimen. (Rhoderick Benez)
0 comments:
Mag-post ng isang Komento