(Maguindanao/ August 24, 2014) ---
Pinagtataga hanggang sa maputol ang daliri ng isang lalaki ng mismong kapatid
nito dahil sa matinding galit sa Sitio Lomboy, Brgy. Awang, Datu Odin Sinsuat,
Maguindanao alas 3:00 kahapon ng hapon.
Kinilala ang biktima na si Roel Bello,
28-anyos at residente ng nasabing lugar habang ang tinuturong suspek naman na
kanyang kapatid ay kinilala sa pangalang Freddie.
Ayon sa salaysay ng nakakabatang kapatid ng
dalawa, matagal na umanong may hidwaan ang kanyang mga kuya at kahapon ay
muling nagkairingan ang mga ito.
Una umanong pinukpok ng martilyo ni Roel ang
kanyang kapatid na si Freddie na nasapul sa ulo.
Matapos ang insidente, ay agad
na umalis si Freddie sa pinangyarihan ng insidente at tumungo sa bahay ng isang
kaibigan.
Nang pagbalik nito, ay may bitbit-bitbit na
itong patalim.
Nang muling mamataan ni Freddie ang kapatid na si Roel, ay
pinagtataga nya ito dahilan para maputol ang dalawang daliri sa kanyang kamay.
Matapos ang insidente, ay mabilis na dinala sa pagamutan ang biktimang si Roel
habang di naman tinukoy kung nasaan na sa kasalukuyan ang kapatid nitong si
Freddie. Rhoderick Beñez
0 comments:
Mag-post ng isang Komento