(Amas, Kidapawan City/ August 28, 2014) ---Sa
kabila ng malakas na buhos ng ulan at sungit ng panahon di pinalampas ng
libu-libong manonood ang Concierto Centenario kagabi sa Provincial Capitol
Grandstand, Amas, Kidapawan City masilayan lamang ang isa sa pinakasikat at
teenage idol ngayon ng Philippine cinema na si Daniel Padilla.
Di mahulugang karayom ang mga manonood na
mga Cotabateños simula ng mag perform ang mga local bands kungsaan humataw din
ang mga ito bago nag-perform ang mga artista kasama na dito ang Maki-Rudy Band
ng Makilala, Cotabato, AWA band at Malacasso Band at si Vincent Ibañez.
Hindi rin nag pahuli si Max Surban na
tinaguriang “King of Visayan Songs” ang
nagpasikat sa mga Visayan songs na “Turagsoy”, “Kurdapya”, “Kwarta” at iba pa.
Sinundan ito ng sponge Cola at ang sikat at
hinahangaang banda ng Aegis na nagpasikat ng mga kantang “Basang basa sa Ulan”,
“Halik”, “Luha” at “Sinta”.
Agaw eksena din ang pagsayaw at pag-await ni
actress-singer na si Vina Morales na lumikha din ng malaking pangalan sa movie
at recording industry kungsaan sinabayan din siya ni Cotabato Gov. Emmylou
“Lala” Talino Mendoza.
Todo Hiyaw naman ang mga manonood kagabi ng
tumanghal na sa entablado si Daniel Padilla, hiyawan at sigawan ang crowd habang
nag-aawit ang batang artista sa kabila ng maputik na ang tinatayuan ng maraming
manonood sa Capitol grounds.
Naispatan din ng DXVL News ang isang ginang
na bitbit pa ang sanggol na anak masilayan lamang ang kanilang idolo,
nagsiksikan din ang mga bata, matanda, mapanood lamang ang inabangang concierto
centenario.
Ang concierto centenario ay bahagi ng
ika-100 anibersaryo ng lalawigan ng Cotabato.
Gayunpaman, naging mapayapa naman sa kabuuan
ang naturang aktibidad sa tulong ng kapulisan, militar, at mga volunteers. Rhoderick Beñez
0 comments:
Mag-post ng isang Komento