(Matalam, North Cotabato/ August 25, 2014)
---Bumagsak sa kamay ng mga otoridad ang tatlong mga pinaniniwalaang tulak droga
sa magkahiwalay na operasyon ng kapulisan sa bayan ng Matalam at Kidapawan
City.
Batay sa ulat, unang natiklo si Jusayn Sison
Kintanar, 43-anyos, negosyante at residente ng last block, Bautista Street, Kidapawan
City pasado alas 10:00 ng umaga nitong Biyernes.
Narekober mula sa bahay ng suspek ang
isang sachet na may lamang
pinaghihinalaang shabu at ilang drug paraphernalia.
Dakong alas 11:30 ng umaga, arestado naman
ang isang Cano Pandian Mamadra, 39-anyo na residente ng Ilian, Matalam,
Cotabato ayon pa kay SP01 Froilan Gravidez ng Matalam PNP.
Dalawang sachet na may lamang shabu at
ilang drug parahernalia naman ang nakuha
mula sa suspek.
At bandang alas kwatro kahapon ng hapon sa Barangay
Sudapin, Kidapawan City, naaresto ang isang Joseph Fernandez Lumotos alyas Joy,
39-anyos na taga Barangay Singao.
Nakuha mula kay alyas Joy ang tatlong sachet
na may lamang pinaniniwalaang shabu at 500 peso marked money.
Sa ngayon nakapiit na sa lock-up cell ng Kidapawan
City at Matalam PNP ang mga naaresto. Rhoderick
Beñez
0 comments:
Mag-post ng isang Komento