(Kabacan, North Cotabato/ August 29, 2014)
---Muling nagpaalala ngayon ang pamunuan ng Kabacan PNP traffic division sa
publiko na maging maingat sa pagmamaneho.
Ginawa ng himpilan ang pahayag matapos na
mapatay sa aksidente sa banggaan ng motorsiklo at tricycle ang isang drayber na
kinilalang si Jeniper Rapista ng Bonifacio St., Poblacion, Kabacan, Cotabato.
Batay sa ulat, sangkot sa naturang vehicular
accident ang tricycle na minamaneho ni Elgiemar Canonigo, 27 anyos na
aksidenteng nabangga sa Honda XRM na minamaneho ni Rapista.
Dahil sa lakas ng pagkakabangga tumilapon
ang biktima.
Naisugod pa sa bahay pagamutan pero hindi na
ito umabot pa ng buhay.
Nangyari ang insidente sa harap ng Soriano
residence sa brgy. Katidtuan, Poblacion, Kabacan, Cotabato.
Samantala, isang Jerome Carfoforo, 30-anyos
at residente ng Amas, Kidapawan City ang panibagong biktima ng agaw motorsiklo
sa bahagi ng Kayaga, Kabacan, Cotabato bago mag-alas 12 kahapon ng tanghali.
Kinuha umano ng suspek ang kanyang susi ng
kanyang motor.
Hindi na pumalag ang biktima dahil may
salukbit na baril ang suspek.
Mabilis na tumakas ang suspek tangay ang
Bajaj motorcycle ng biktima.
Walang magawa si Carfoforo kundi ireport na
lamang sa himpilan ng pulisya ang insidente. Rhoderick Beñez
0 comments:
Mag-post ng isang Komento