(Kabacan,
North Cotabato/ April 2, 2013) ---Patay ang isang 36-anyos na lalaki makaraang
pagbabarilin ng tatlong mga di pa nakilalang mga salarin sa Purok 2, Brgy.
Katidtuan, Kabacan, Cotabato alas 10:30 kahapon ng umaga.
Kinilala ng
Kabacan PNP ang biktima na si Jerry Palen residente ng nabanggit na lugar.
Batay sa
inisyal na pagsisiyasat ni P/Inps. Tirso Pascual ng Kabacan PNP kalibre .45 na
pistola ang ginamit umano ng mga suspek sa nasabing pamamaril.
Nagtamo ng dalawang
tama ng bala ang biktima na naging dahilan ng agara nitong kamatayan.
Matapos
maisatuparan ang masamang balakin at mapasegurong tumba ang target agad namang
tumakas ang mga suspek sakay sa kulay pulang Baja single motorcycle.
Inaalam na
ngayon ng Kabacan PNP kung ano ang motibo ng nasabing pamamaril. (Rhoderick
Beñez)
0 comments:
Mag-post ng isang Komento