(USM, Kabacan, North Cotabato/ April 4, 2013)
---Iginiit ngayon ng kampo ng mga raliyesta na bukas ang USM Main gate para di
magambala ang nagpapatuloy na enrollment ng mga mag-aaral ngayong summer.
Ito ang inihayag ngayong umaga sa DXVL radyo
ng Bayan ni Dr. Alimen Sencil, tagapagsalita ng grupo ng raliyesta.
Sinabi ng spokesperson na balak sana nilang
isara ang USM main gate ngayong araw batay sa unang napagkasunduan nila, subalit
muling napagdesisyunan ng grupo na palawigin habang hinihintay nila ngayong
linggo ang pagdating sana ng fact finding committee.
Samantala, hangad din ng grupo na mapasaya
ang graduation rites ng mga mag-aaral ng University of Southern Mindanao kaya
bubuksan din nila muli ang USM Main gate sa araw ng graduation sakaling
mapagkasunduan nilang isara ito sa susunod na linggo, ayon kay Dr. Sencil.
Kaugnay nito, maglalagay ng volunteer
Marshall ang mga raliyesta sa araw ng graduation na tutulong sa mga security
guard, ito para tiyaking walang third party na makakapasok sa isa sa
pinaka-importanteng aktibidad sa buhay ng mga estudyante at magulang.
(Rhoderick Beñez)
0 comments:
Mag-post ng isang Komento