Isang organisasyon ng Lumad sa North Cotabato; magsasagawa ng fact-finding mission hinggil sa pagkamatay ng kanilang kasama

(Makilala, North Cotabato/April 3, 2013) ---Isasagawa ng Katribu, isang organisasyon ng mga Lumad sa North Cotabato ang isang fact-finding mission kaugnay ng pagkamatay ni Junnie Antac at pagkakasugat ni Roel Igkil sa Barangay Buhay, Makilala, North Cotabato noong nakaraang buwan.

Ayon sa Katribu, sadyang pinaslang si Igkil matapos na pumasok ito sa liblib na bahagi ng Brgy. Buhay para mag hunting.

Itinuturo ng Katribu ang 57^th IB ng Phil. Army na siyang bumaril sa dalawang biktima.

Una nang sinabi ni Lt. Nasrullah Sema na legitimate ang operasyon ng military sa Brgy. Buhay kung saan kasama raw ang dalawa sa mga nakasagupa ng 57^th IB.

Layon ng Katribu na agad makakuha ng karagdagang ebidensiya para magamit sa umano’y reklamong isasampa laban sa army.

Samantala, bago lamang ay kinumpirma ng Bantay Bukid group sa Makilala na miyembro nila ang mga biktimang sina Igkil at Antac. (JS)