(Matalam,
North Cotabato/ February 7, 2013) ---Ninakaw ng di pa nakikilalang salarin ang
isang chainsaw kahapon dakong alas 2:30 ng madaling araw sa Purok Santol Brgy.
Central Malamote sa bayan ng Matalam, North Cotabato.
Ang
ninakaw na chainsaw ay pagmamay-ari ng isang Mocaliden Mamangan Dimacial, 35
anyos, may asawa, magsasaka at residente ng nabanggit na lugar.
Ayon
sa inisyal na imbestigasyon ng Matalam PNP, bago maganap ang insidente ay may
narinig umano ang biktima na pumarada na isang unit ng single motorcycle sa
harap ng kanyang bahay at maya-maya ay bigla umano itong humarurot sa di
matukoy na direksyon at nang lumabas ang biktima upang tingnan ang kanyang
chainsaw na nakalagay sa labas ng kanyang bahay ay doon nalaman na nawala na
pala ito.
Sa
ngayon patuloy pa rin ang ginagawang imbestigasyon ng Matalam PNP ang patungkol
sa nangyaring insidente. Randy Yap, DXVL News
0 comments:
Mag-post ng isang Komento