3 mga kasapi ng alagad ng batas, arestado dahil sa pagdadala ng baril sa Pikit, Cotabato

(Pikit, North Cotabato/ February 6, 2013) ---Tatlong kalalakihan ang nagpakilala na isang kasapi ng Pulisya sa North Cotabato ang  naaresto sa naging highway check sa bayan ng Pikit bandang 4:30 kahapon ng hapon.

Ayon kay Chief Inspector Jordine Maribojo ng PNP Pikit bigong magpakita ng mga kaukulang dokumento ang mga ito na magpapatunay na kasapi sila ng civilian Investigative support ng Criminal Investigation and Detection Team.

Kinilala ang mga pinagduduhang personahe na sina Cyril Fajardo Abapo, 26, residente ng Sitio Bugoc, Barangay Ma-a, Davao City; Galileo Hinosa, Jr., 35 na taga Barangay Lanao, Kidapawan City; at Danilo Jalwin Licatan, 59, na residente naman ng Poblacion, Kidapawan City.

Ayon kay Maribojo sa kanilang hiway check sinita ang mga ito dahil sa may salukbit ang mga suspek ng baril na mahigpit na ipinagbabawal dahil sa comelec gun ban.

Narekober naman sa mga suspek ang isang 45 caliber pistols; pitong magazines ng pistol at 23 rounds ng live ammunition, ito ay sa sa pangunguna ni PO3 Lauro Juguan ng Pikit PNP at 7th Infantry Battalion of the Army.

Sakay ang mga ito sa isang Suzuki motorcycle na may plate number YDU 984 ng mahuli ng mga otoridad at ang nasabing mga suspek ay nanggaling pa umao sa bayan ng Pigcawayan, North Cotabato.

Agad na inilagay ang mga ito sa kustodiya ng mga pulis at inihahanda na ang magiging kaso sa naging paglabag nito sa Comelec Resolution Number 9588 o Gun Ban at patuloy pa ang ginagawang imbestigasyon kung sangkot ang mga ito sa mga sindikatong may operasyon sa Central Mindanao.