Ilang mga negosyante ng Kabacan, umalma na sa napakahabang power interruption

(Kabacan, North Cotabato/April 25, 2012) ---Umaalma na ang ilang mga residente ng North Cotabato lalong lalo na dito sa bayan ng Kabacan dahil sa mas mahabang brown-out na nararanasan sa mga service erya ng cotelco.

Sa panayam ng DXVL sa ilang mga negosyante at residente sa bayan ng Kabacan, ayon kay ginang Marilou Salazar may.ari ng isang Fruitshake store sa bayan, nalulugi daw sila dahil sa nasabing brown-out napilitan din daw umano silang bumili ng sarili nilang generator na dagdag gasto pa.

Ayon naman kay Reynaldo Intes nagbabantay sa isang internet café sa bayan napipilitan daw umano silang magsara ng umaga dahil sa brown out, dahil dito konti na lang daw umano ang kanilang kinikita at hindi na sila nakakabawi sa kanilang mga bayarin.

Ayon naman kay ginang Elizabeth Rachman isang resident eng bayan tinitiis na lang daw di umano nila ng init sa tanghali dahil sa hindi na nila magamit ang kanilang bentilador, dagdag gastos pa raw dahil bumibili na sila ng gaas at kandila na gagamitin tuwing nagbabrown-out.

Residente, negosyante o estudyante man lahat ay apektado ng rotational brown-out na ito.

Umaasa naman ang mga ito na matutugunan agad at hindi na tatagal ang patuloy na lumalalang power crisis sa bahaging ito ng Mindanao. (Scooper 001 Aylmer Bornea)