By: Mark
Anthony Pispis
(Kabacan, North Cotabato/ May 19,
2015) ---Malaki ang paniniwala ni North Cotabato MILF Spokesperson Jabib
Guiabar na maipapasa pa rin ang BBL sa kabila ng mga rebisyon nito sa nagaganap
na botohan sa kongreso.
Ito ang sinabi ng opisyal sa panayam
sa kanya ng DXVL News kasabay ng pagpapaliwanag nito na ang BBL ay tumatalima
sa konstitusyon ng bansa.
Anya, natural lamang umanong
pag-aralan ng mga mambabatas ang mga nilalaman nito.
Pero iginiit ng opisyal na natapos na
umanong nalagdaan noong taong 2012 ang framework agreement at ito rin ang
Comprehensive Agreement on the Bangsa-Moro noong nakaraang taon.
Anya, hindi naman umano malaking isyu
kung nagkakaroon man ng talakayan dito sapagkat dahil bago paman ginawa ang BBL
ay dumaan na ito sa kongreso at senado at supreme court upang malaman kung
mayroong nilabag ang mga probisyon nito.
Dagdag pa ni Guiabar na hindi umano
nangangamba ang kanilang hanay sa posibilidad na maibabasura ito.
Malaki ang kaniyang pananalig na
maipapasa pa rin ito sapagkat ito umano ang magiging daan ng kapayapaan sa
Mindanao.
Samantala, Halos lahat ng
pagtatangkang amyenda sa mga probisyon ng Bangsamoro Basic Law (BBL) ay
nabasura sa unang araw ng botohan o ika-49 na pagdinig para sa naturang
panukalang batas.
Nabatid na walang nakalusot sa mga
pagbabagong nais mangyari ng kilalang tutol sa BBL na si Zamboanga Rep. Celso
Lobregat.
Pero giit ni ad hoc committee
chairman Rufus Rodriguez, idinadaan ito sa demokratikong paraan ng pagboto kaya
hindi iyon matatawag na railroading o minamadali.
Maging si Sarangani Rep. Manny
Pacquiao ay nakibahagi rin sa botohan, pabor sa BBL.
Umaabot naman sa 63 ang bilang ng mga
kongresistang miyembro ng komite na dumalo mula sa 75 kabuuang kasapi ng lupon.
Dito ay naging section by section at
page by page ang botohan ng komite.
Mula sa dating 98 pages na BBL, nasa
109 pages na ito ngayon dahil sa ilang inputs ng Malacanang.
Sinabi ni ad hoc committee chairman
Rufus Rodriguez na mahigit 100 ang pagbabago sa panukala.
0 comments:
Mag-post ng isang Komento