(Pikit, North Cotabato/ April 24, 2013) ---Arestado
ang tatlo katao makaraang mahuli ng mga otoridad dahil sa pagpapataya ng
illegal na sugal sa Poblacion ng Pikit alas 3:00 ng hapon kamakalawa.
Kinilala ni P/CInps. Jordine Maribojo, hepe
ng Pikit PNP ang mga nahuli na sina: Anajoybel Quizon, nasa tamang edad,
Elizabeth Nayona at Jovy Santander lahat residente ng bayan ng Pikit.
Nakuha mula sa posisyon ng mga suspek ang
gambling paraphernalia’s at bet money na abot sa P11,705.00.
Ang tatlo nagpapataya ng illegal games of
chance na mas kilala sa tawag na last two at last three.
Sinabi ni Maribojo na mas pinaigting nila
ngayon ang kampanya kontra illegal na sugal sa bayan ng Pikit, ito dahil sa
talamak ang nasabing gawain sa lugar at maging sa buong probinsiya ng Cotabato.
Nanguna sa nasabing operasyon ang pinagsanib
na pwersa ng Pikit PNP, Provincial Headquarters, Cotabato Police Provincial
Office Intelligence Operatives sa ilalim ni SP03 Jose Elmer Cornelio.
Ayon kay Maribojo, magtuloy-tuloy ang
kanilang operasyon hanggang sa mahuli angmga malalaking isda na financier ng
illegal na sugal sa nabanggit na bayan. (Rhoderick Beñez)
0 comments:
Mag-post ng isang Komento