(Kabacan, North Cotabato/ October 9, 2012)
---Arestado ang dalawa katao sa isinagawang saturation drive ng Kabacan PNP
kontra illegal gambling sa bayan.
Kinilala ng Kabacan PNP ang naaresto na
sina: Albert Rivera Bedeharde, 28-anyos at si Lina Rivera Bedeharde, 62-anyos
kapwa residente ng Roxas St., Poblacion ng nabanggit na bayan.
Nahuli ang dalawang nagpapataya ng game of
chance sa Poblacion, Kabacan alas 10:30 ng umaga nitong Sabado, na mas kilala
sa tawag na Last 2 at last 3 digit kungsaan kinukuha ang resulta mula sa Lotto
result ng PCSO.
Nakuha mula sa kustodiya ng mga ito ang
isang calculator, 1 pad paper, 1 pad ng tally sheet at iba pa.
Sa ngayon nasa pangangalaga ng Kabacan PNP
ang mga ito. (Rhoderick Beñez)
0 comments:
Mag-post ng isang Komento