(USM, Kabacan, North Cotabato/ June 11,
2015) ---Muling pinatunayan ng University of Southern Mindanao na patuloy pa
rin na mataas ang kalidad ng edukasyon ng pamantasan matapos na makuha ng
unibersidad ang top 3 sa katatapos na June 2015 Agriculturist Licensure
Examination.Ito ay sa katauhan ni Bernadith Tartado Borja na nakakuha ng 85.50%.
Batay sa inilabas ng Professional Regulation
Commission nakuha ng Don Mariano Marcos Memorial State University-Bacnotan ang
top 1, University of the Philippines ang top 2 at pangatlo ang University of
Southern Mindanao.
Abot naman sa 119 ang pumasa buhat sa
University of Southern Mindanao kungsaan nakakuha ito ng 50.64% na passing
rate.
Nagpaabot naman ng kanyang pagbati si USM
Pres. Francisco Garcia sa mga pumasa at sa mga guro ng College of Agriculture
na panamumunuan ni Dean Dr.Purification Cahatian.
Ang resulta ay inilabas ng PRC, 4 working
days pagkatapos ng eksaminasyon.
Sa 6,080 na kumuha ng eksaminasyon, 1,888
dito ang pumasa.
Ang exam ay isinagawa sa Manila, Baguio,
Cagayan de Oro, Cebu, Davao, Iloilo, Legazpi, Lucena, Tacloban, Tuguegarao at
Zamboanga ngayong Hunyo lamang.
Para sa mga gustong malaman kung pumasa sila
sa naturang exam, bisitahin ang facebook page ng DXVL ang Kool FM at i-like,
agad na makikita doon ang roll of successful examinees. Rhoderick Beñez
0 comments:
Mag-post ng isang Komento