(North Cotabato/ May 19, 2014) ---Patay ang
isang 33 anyos na magsasaka makaraang barilin, sa harap ng ini- inumang
tindahan,dakong Alas singko bente ng hapon kamakalawa. sa Sitio Nueva Fuerza,
Brgy Cabaruyan, Libungan, Cotabato.
Kinilala ni Police Chief Inspector Bernard
Tayong ang biktima na si Michael Mension, may asawa at may-roong tatlong anak
at residente sa nabanggit na lugar.
Nabatid na umiinom ang biktima sa tindahan
ni Maximo Chavez. Habang nagkikipag kwentuhan ito sa may-ari ng tindahan, ay
biglang dumating si Bry. Kagawad Carlito Amistoso at kina usap ang biktima
hinggil sa alitan nila noong isang araw.
Ngunit sa kahabaan ng kanilang diskusyon, ay
napikon si Kagawad Carlito at biglang binaril ang biktima sa kanang bahagi ng
kanyang dibdib gamit ang hindi pa matukoy na baril.
Agad namang dinala sa pinaka malapit na
bahay pagamutan ang biktima ngunit, idineklara itong Dead on arrival. Narecover
naman sa crime scene ang isang basyo ng 30 caliber pistol.Subalit ang suspect
na Barangay kagawad, na kinilalang si Carlito Amistoso ay nakatakas naman sa di
matukoy na direksyon.
Sa ngayon patuloy parin ang imbestigasyon ng
Libungan PNP at puspusan ang hot pursuit operation matukoy lang ang nasabing
Barangay Kagawad. Rhoderick Beñez
0 comments:
Mag-post ng isang Komento