(Matalam, North Cotabato/ May 20, 2014) ---Patuloy
pa ngayon ang ginagawang imbestigasyon ng Matalam PNP sa pagbaril sa isang
Pitong taong gulang na grade 1 pupil habang namumulot ng bunga ng mangga sa sakahan sa
Purok Azucena, Poblacion, Matalam, Cotabato alas 2:30 ng hapon kamakalawa.
Ang biktima na si Carding hindi niya tunay
na pangalan at anak ng isang empleyado ng Direk Wood Enterprises at residente
ng Brgy. News Rizal, Mlang kasama ng kanyang apat na kaibigan ay namumulot ng
mga bunga ng manga.
Nang barilin ang mga ito ng di pa nakilalang
suspek sa sakahan ng mangga na pag-mamay-ari ng isang Jose Alejo.
Ayon kay PCInsp. Elias Diosma Colonia, hepe
ng Matalam PNP nagtamo ng tama ng bala sa kanang balikat nito ang biktima na
agad namang isinugod sa Babol General Hospital at sa di kalaunan ay inilipat sa
Cotabato Provincial Hospital.
Sinabi ngayong umaga sa DXVL ni SPO1 Froilan
Gravidez na ginagamot na ngayon ang biktima sa Davao Medical Center sa nasabing
lungsod.
Sa ngayon nagpapatuloy ang hot pursuit
operation ng pulisya para sa ikadarakip ng suspek. Rhoderick Beñez
0 comments:
Mag-post ng isang Komento