(Kabacan, North Cotabato/ April 22, 2014) ---Hinigpitan
na ang seguridad ngayon sa paligid ng USM Housing matapos na mabiktima ang
isang 21-anyos na binata ng agaw motorsiklo kamakalawa ng gabi.
Sa report, kinilala ang biktima na si Jaymbo
Mangansakan, 21, residente ng nasabing lugar.
Ayon sa ulat ng mga impormante, tinambangan umano ang
biktima sa 2nd Block ng housing ng di pa nakilalang suspek at agad
na tinutukan ito ng baril.
Pagdating sa panulukan ng Aringay provincial road, isa
pang suspek ang nag-aabang.
Walang nagawa ang biktima kundi ibigay na lamang ang
kanyang motorsiklo.
Agad namang tinangay ng mga suspek ang kulay itim na XRM
110 ng biktima.
Bago tumalilis ang mga suspek papalayo binaril pa nila
ang biktima pero maswerteng di ito tinamaan. Rhoderick Beñez
0 comments:
Mag-post ng isang Komento