(Makilala, North Cotabato/ May 28, 2013) ---Nagpapagaling
ngayon sa Makilala Medical Specialist Center ang isang habal-habal driver
matapos saksakin ng mismong manugang nito sa Suarez Subdivision, Barangay
Poblacion, Makilala, North Cotabato.
Kinilala ang biktima na si Florentino
Famulagan, 35-anyos at ang suspek ay kinilala namang si Camilo Paunil, 68 taong
gulang , residente rin ng naturang lugar.
Ayon sa Makilala PNP, naglalaro umano ng
kara y cruz ang biktima nang bigla siyang sinaksak sa kanang bahagi ng tiyan ng
suspek.
Batay sa report, posibleng matagal ng may
alitan ang dalawa.
Boluntaryo namang sumuko ang suspek sa
Makilala PNP, habang pinag-iisipan naman ng biktima at pamilya nito ang kung
sasampahan ng kaso ang suspek na siya ring manugang ng biktima.
0 comments:
Mag-post ng isang Komento