(Matalam, North Cotabato/ May 10, 2013) ---Narekober
ng mga otoridad ang dalawang uri ng malalakas na pampasabog sa Purok Crislam,
Brgy. Marbel, Matalam, North Cotabato alas 11:00 ng umaga kahapon.
Ayon kay Senior Police Officer 1 Froilan
Gravidez, ang head ng Operations ng Matalam PNP agad na kinordon nila ang lugar
habang nagsasagawa ng clearing operation ang PNP at ang EOD Team.
Sa inisyal na pagsisiyasat, isang 40MM
Projectile ang narekober sa bahay ni Tantang Salipada, walong metro lamang ang
layo mula sa likod ng tinitirhan ni Joven Salipada kungsaan narekober sa harap
ng bahay nito ang isang Rifle Grenade.
Matagumpay namang na-detonate ng EOD Team at
ng mga elemento ng Cotabato Police Provincial Office alas 11:30 ng umaga
kahapon ang nasabing pampasabog.
Nabatid na ang nasabing mga eksplusibo ay mga
pamapasabog na ginamait noong kasagsagan ng sagupaan ng dalawang armadong grupo
na di sumabog.
Ang nasabing aksiyon ng Matalam PNP, CPPO at
ng EOD Team ay bahagi lamang ng sinumpaang tungkulin ng mga nasa hanay ng
pulisya na ang gobyerno ay para sa publiko “to serve and protect”. (Rhoderick
Beñez)
0 comments:
Mag-post ng isang Komento