(Kidapawan City/ July 15, 2015) ---Tinangay
ng di pa nakilalang suspek ang motorsiklo ng 35-anyos na Ginuo matapos na
kanyang iparada ito sa Dayao Street, Kidapawan City kahapon ng hapon.
Kinilala ng Kidapawan City PNP Traffic
Division ang biktima na si Edgar Paran, 35- anyos na taga brgy. Ilomavis,
Kidapawan city.
Ayon kay Paran, pinarada lamang niya ang
kaniyang Honda TMX 155 na may license plate na MH 1676 sa gilid ng isang
establisyemento ng bigla na lamang ito mawala.
Naniniwala naman ang biktima na nagkaroon ng
tiyansa ang magnanakaw na tangayin ang kanyang sasakyan matapos itong iwanan sa
nabanggit na lugar.
Paalala naman ng PNP na huwag maging
kampante na iwanang hindi naka lock ang mga sasakyan para di mabiktima ng
magnanakaw. Rhoderick Beñez
0 comments:
Mag-post ng isang Komento