Ito ayon sa panayam ng DXVL News kay Supt.
Franklin Anito, ang city Director ng Kidapawan PNP.
Aniya ay mas pinaigting pa umano nila ng
seguridad sa Lungsod kasama ang 57th IB na under kay Col. Nilo Vinluan
at ang Public Safety Office ng Kidapawan City na siyang may hawak umano sa
BPAT, SAT at TMU.
Sinabi pa ng opisyal na mayroon din umanong
mga organisasyong mula sa Provincial Police Office at pati na rin umano sa
Regioinal Public Safety Batallion.
Dagdag din ni Supt. Anito na nagdeploy umano
sila ng higit 400 na mga personnel kasama na diyan ang mga inilagay nilang
Checkpoints upang masiguro ang mga lumalabas at pasok sa Kidapawan City proper.
Ayon pa kay Supt. Anito na magsasagawa rin
umano sila ng random Checkup kung saan titingnan ang mga laman ng dala- dalang
mga bagahe o back- pack ng mga taong mamamasyal sa iba’t ibang lugar na
pagsasagwaan ng mga aktibidad.
Inihanda na rin umano nila ang security
forces na susubaybay sa isasagawang street dancing ngayong hapon na magsisimula
ng 1:00 ng hapon at inaasahang dadagsain ng higit 20,000 katao. Ganun din ang
TMU upang maisaayos ang re- routing ng traffic.
Sa kasalukuyan umano ay mapayapa naman ang
kanilang pagdiriwang ngunit hindi nila isinasantabi ang ano mang banta ng
kriminalidal at ng terorismo sa nasabing selebrasyon.
Samantala, hinikayat naman ni Kidapawan PNP
Director Anito ang publiko na hanggat maari ay iwasan ang pagdadala ng back-
pack at kung sakali umanong hindi maiwasan ay makipag- coordinate sa kanilang
mga tauhan dahil para rin umano ito sa siguridad ng lahat at hindi para sa
isang tao lamang. Lorie Joy Dela Cruz
0 comments:
Mag-post ng isang Komento