Calamity Seeds Assistance ng North Cotabato, Patuloy na Isinasagawa

(Amas, Kidapawan City/ August 12, 2014) ---Umaabot na sa mahigit tatlong libong sako ng certified palay seeds na may katumbas na halaga na P4,574,400.00 ang naipamahagi ng Pamahalaang Panlalawigan sa pamamagitan ng Office of the Provincial Agriculturist para sa mga nasalanta ng kalamidad na mga palayan sa lalawigan. 

Ito ay bilang ayuda sa mga magsasakang labis na naapektuhan ng mga pagbaha at iba pang kadahilanan mula noong nakaraang taon hanggang Hulyo nitong taon.

Malaki ang pagpapahalaga ng Pamahalaang Panlalawigan sa pagtulong sa mga magsasakang apektado ng kalamidad upang sila ay makapagtanim muli, katunayan libreng dekalidad na binhi ng palay ang ipinamigay sa kanila.

Narito ang breakdown ng mga naipamahaging certified palay seeds sa bawat bayang natulungan ng OPA at ang katumbas nitong sako ng certified rice seeds na naipamahagi sa mga magsasaka.

Carmen         742 bags

Kabacan        893 bags

Matalam        434 bags

Pikit              568 bags

Pigcawayan    500 bags

Mlang           267 bags

Tulunan         122 bags

Individuals     286 bags

Kabuuan        3,812 bags x P1,200.00 = P4,574,400.00

Ang proyektong ito ay bahagi ng calamity seeds assistance program ng lalawigan ng Cotabato. Ruel Villanueva DXVL OPAG News Correspondent