(Midsayap, North Cotabato/ January 15, 2014) ---Sinalubong ni kamatayan ang isang sundalo makaraang mapaslang sa isinagawang buy-bust operation sa Poblacion 3, Midsayap, North Cotabato alas 3:00 kahapon ng hapon.
Kinilala ni Supt. Reinante delos Santos, hepe ng Midsayap PNP ang nasawing suspek na si Tumindig Guiapal, aktibong miyembro ng Philippine Army habang kinilala naman ang kasamahan nito na si Teng Kabalu, 46 anyos, isang magsasaka, residente ng Dalican, Datu Odin Sinsuat, Maguindanao.
Manlaban sana si Guiapal sa mga parak pero naunahan ito ng pagtira habang bubunot pa lamang ito ng kanyang armas.
Nakuha mula sa dalawang suspected drug pusher ang tinatayang mahigit 60 gramo ng shabu matapos ang raid ng Midsayap PNP at ng Criminal Investigation and Detection Group o CIDG.
Sa ngayon, nasa kustodiya na ng CIDG si Kabalu at nakatakdang sampahan ng kaukulang kaso. Rhoderick Beñez
DXVL Staff
...
Sundalo, patay; kasamang tulak droga, arestado sa buybust operation sa Midsayap, North Cotabato
Linggo, Enero 19, 2014
No comments
Mag-subscribe sa:
I-post ang Mga Komento (Atom)
0 comments:
Mag-post ng isang Komento