(Matalam, North Cotabato/ June 21, 2013) ---Patay
on the spot ang isang 40-anyos na magsasaka makaraang pagbabarilin ng mga di pa
nakilalang suspek sa Kalye Putol, Purok Chrislam, Matalam, North Cotabato alas
11:25 ng umaga kakalawa.
Kinilala ng Matalam PNP ang biktima na si
Muhamad Ali residente ng nabanggit na lugar.
Sa report na ipinarating ni SPO1 Froilan
Gravidez sa DXVL News habang nasa labas umano ng bahay nila ang biktima habang
may tao umanong sinusunggaban ang gate ng kanilang bahay.
Nang lumabas ang biktima, walang abu-abong
pinagbabaril si Ali ng di kilalang suspek.
Nagtamo ang biktima ng iba’t-ibang tama ng
bala na naging dahilan ng agara nitong kamatayan.
Narekober sa crime scene ang anim na basyo
ng bala ng .45 na pistola na siya’ng ginamit ng suspek sa pamamaslang.
Personal grudge ngayon ang tinitingnang
motibo ng Matalam PNP sa panibagong shooting incident sa bayan. (Rhoderick
Beñez)
0 comments:
Mag-post ng isang Komento