Sanggol, isinilang ng patay, nabuhay!

(Amas, Kidapawan city/ June 21, 2013) ---Isang premature na sanggol na ipinanganak 30 linggo ang ideneklarang patay ng mga staff ng Cotabato Provincial Hospital, Amas, Kidapawan City ang iniulat na nabuhay.

Ang sanggol na babae ay ipinanganak sa pamamagitan ng normal delivery alas 7:30 ng umaga noong linggo, ayon sa kanyang kamag-anak na kinilalang si Janet Rinsulat.

Ayon kay Rinsulat, sinabihan sila ng staff ng mga ospital na ginawa nila ang lahat para ipanganak ng buhay ang sanggol pero bigo sila, ito dahil sa di na umano umiyak at di na rin humihinga ng isilang ang sanggol.

Matapos ang ilang oras, inilagay ang sanggol sa isang carton at ibinigay sa kanyang kamag-anak.

Pero, sinabi ni Rinsuat kay Mia, isa sa mga kapamilya nila na inatasang maghintay ng funeral car sa labas ng ospital na nagtaka ito ng makarinig ng iyak ng sanggol.

Ang umiiyak na bata ayon sa report ay galing sa carton kungsaan inilagay ang sanggol na binawian ng buhay.

Agad naman nilang ibinalik ang baby sa emergency room.

Ilang oras ang nakakaraan, inilagay ng mga staff ng ospital ang sanggol sa incubation room o sa Neo-Natal Intensive Care Unit, ito dahil ang sanggol ay premature.

Pero ang mga kamag-anak ng sanggol, partikular na si Genalyn Rosales, ang mismong tiyahin ay may reklamo sa diumanoy di maayos na pagtrato sa sanggol sa incubation room.

Ito dahil sa di maayos ang pagkabit ng hose ng oxygen sa ilong ng sanggol dahilan kung bakit di ito makahinga ng maayos.

Kanila na ring inireport sa local police ang nasabing pangyayari.

Ayon kay Dr. Eva Rabaya ang assistant chief ng cotabato Provincial Hospital, kanila lang paiimbestigahan ang nasbaing insedente. (Rhoderick Beñez)