(Kabacan, North Cotabato/ January 25, 2013)
---Tinangay ng di pa nakilalang salarin ang isang motorsiklo na nakaparada sa
corner Matalam St., at USM Avenue, Kabacan ala 1:00 kahapon ng hapon.
Ayon sa report ng Kabacan PNP, kinilala ang
may ari ng nasabing sasakyan na si Rey Bernardino, 35, negosyante at residente
ng Aglipay St., Poblacion ng bayang ito.
Ang nasabing sasakyan ay isang kulay itim at
puting XRM 125 na may plate number OK 2850.
Kung matatandaan, tinangay din ng di pa
nakikilang salarin ang isang motorsiklo habang nakaparada ito sa harap mismo ng
main building ng College of Agriculture, USM Campus, Kabacan, Cotabato bandang
alas 2:30 ng hapon nitong martes.
Ayon
sa report ng Kabacan PNP, ang nasabing motorsiklo ay isang Honda XRM 125, may
kombinasyon na kulay puti at itim at may plakang 8687 MF.
Ito
ay pagmamay-ari ng isang Jamir Pedtamanan, labing-pitong taong gulang, USM
student at residente ng Purok Nasag, Kilagasan ng nabanggit na lugar.
Ito na ang ikalawang kaso ng nakaw
motorsiklo ang naitala sa linggong ito lamang habang ito na ang ika limang kaso
sa buwan ng Enero, pero sa mga kasong ito ni isa wala pang narekober ang mga
pulis. (Rhoderick Beñez)
0 comments:
Mag-post ng isang Komento