(Kabacan, North Cotabato/May 24, 2012) ---Tiklo
ng mga kasapi ng Kabacan PNP ang dalawang mga suspetsado sa nagpapatuloy na
kampanya ng mga otoridad kontra illegal na droga sa bayan ng Kabacan.
Alas 11:45 kahapon ng umaga, arestado ang
isang Samcia Talusan, nasa tamang edad at residente ng Lapu-lapu St., Purok
Chrislam ng bayang ito makaraang mahulihan ng pitong piraso ng heat sealed
plastic sachet sa nasabing lugar.
Tumakas umano ang ilang mga salarin ng
matunugan na paparating ang mga parak sa Purok Chrislam, itinuturing na Drug
Den ng Kabacan.
Pero si Talusan winalis umano nito sa
damuhan ang mga itinapon na plastic sealed sachet na naglalaman ng white
crystalline na pinaniniwalaang shabu.
Nang siyasatin ng sniffing dog ang damuhan
naging positibo sa droga kung kaya’t agad na hinuli ang nasabing ginang.
Samantala, arestado naman ang isang Kamad
Buat Magandat makaraang marekober sa kustodiya nito ang isang plastic heat
sealed sachet na pinaniniwalaang shabu nitong Martes sa nabanggit din na lugar.
Maliban dito, narekober din ang isang
disposable lighter at cash na nagkakahalaga ng P287 at maging ang inabandonang
Bajaj Motrocycle na may plate #5530 OJ.
Ngayong araw nakatakdang isampa ng Kabacan
PNP ang kasong kakaharapin ng dalawa.(Rhoderick Benez)
0 comments:
Mag-post ng isang Komento