Tree Planting activity; isinagawa ng mga militar sa water reservoir ng Asik-asik Falls

(Alamada, North Cotabato/May 19, 2012) ---Abot sa 50 iba’t-ibang mga puno ng kahoy ang ngayon ay itinanim sa mismong water reservoir ng Asik-Asik Falls ng mga kasapi ng APO FRATERNITY, militar at iba pang organisasyon sa isinagawang tree growing nila ngayong araw.

Ayon kay Lt. Aries dela Cuadra ng 7^th IB, 6ID, Phil Army layon ng nasabing aktibidad na mapangalagaan ang paligid ng nasabing kabundukan kungsaan makikita ang asik-asik water falls.

Kabilang sa mga punong kahoy na kanilang itinanim ay ang puno ng kape, mahogany, marang at iba pang mga hard wood.

Ang nasabing Gawain ay bilang bahagi ng pangangalaag sa kalikasan na siya ring programa ng pamahalaang nasyunal na suportado ng provincial government sa pamumuno ni Cotabato Governor Emmylou “Lala” Taliño Mendoza at ng LGU Alamada.

Ang asik-asik Falls ang isa sa mga pinaka tanyag ngayon na apring falls at isa sa pinakamagandang water falls sa Southeast Asia. (Rhoderick Beñez)