(Kabacan, North Cotabato/ October 28, 2015)
---Sugatan ang isang 50-anyos na drayber makaraang masangkot sa aksidente sa
National Highway partikular sa harap ng Crossing Vergara sa brgy. Osias,
Kabacan, North Cotabato alas 8:30 ngayong umaga.
Kinilala ng Kabacan PNP Traffic Division ang
biktima na si Francisco Corpuz, residente ng Purok 6, Brgy. Osias ng nasabing
bayan.
Batay sa ulat, tinatahak ng isang kulay itim
at berde na Highlander na sasakyan na may license plate WE 2795 minamaneho ni Sandra
Monib, 41-anyos na residente ng Cadayonan II, MSU, Marawi City ang nasabing
National Highway buhat sa Davao-Cotabato road.
Kapwa tinatahak ng dalawang sasakyan ang
kaparehong direksiyon ng biglang lumiko ang motorsiklo na dahilan kung bakit
nabangga ng nasabing Highlander.
Sugat sa ulo ang natamo ng biktimang si
Corpuz na mabilis na isinugod sa isang bahay pagamutan.
Karga ng biktima ang mga damong pakain para
sa kanyang alagang hayop.
Kapwa nasa kustodiya ngayon ng Kabacan PNP
ang dalawang sasakyan. Rhoderick Beñez
0 comments:
Mag-post ng isang Komento